Xarici tələbələr üçün nəzərdə tutulan “Türkiye Bursları” təqaüd proqramına qeydiyyat başlayıb.

Mektebgushesi.az xəbər verir ki, bu proqramda tələbələrə universitetə qəbul, pulsuz təhsil, yataqxana, qidalanma, tibbi sığorta, təyyarə bileti və üstəlik əlavə təqaüd təklif edilir. Uğurla təhsil alan tələbələrə ikiqat təqaüd almaq imkanı verilir.

Proqrama müraciət edən nümizədlər universitetə universitetlərin qəbul imtahanlarından kənar qaydada, birbaşa təqaüd komissiyasının qərarı ilə yerləşdirilir.

Bu imkanlara görə “Türkiye Bursları” təqaüd proqramı dünyada ən çox ən çox müraciət edilən proqramlardan biridir.

Proqram sayəsində Türkiyənin nüfuzlu universitetlərində tibb, mühəndislik, beynəlxalq münasibətlər, maliyyə, beynəlxalq ticarət, dizayn və digər ixtisaslar üzrə təqaüdlə təhsil almaq imkanı əldə edə bilərsiniz.