SOCAR-ın Bakı Ali Neft Məktəbinin (BANM) rektoru Elmar Qasımov Yeni il münasibətilə əcnəbi tələbələrlə görüşüb.

Bu barədə BANM-dən Məktəb Guşəsinə bildirilib.

Görüşdə rektor tələbələri təbrik edib, təhsillərini başa vurub ölkələrinə qayıtmağa hazırlaşan gənclərə isə gələcək həyatlarında uğurlar diləyib. Tələbələrin yataqxana xidmətləri ilə bağlı məmnuniyyətini öyrənərək, onların qayğı və ehtiyacları ilə maraqlanıb.

Tələbələr rektora təşəkkür edib, yeni ilin həm onlara, həm də BANM-ə uğurlar gətirməsini arzulayıblar.

Sonda tələbələrə bayram sovqatı təqdim edilib.