Dövlət İmtahan Mərkəzi ingilis dili fənnindən doktorantura və magistratura səviyyələri üzrə imtahanlara hazırlaşanlar üçün test toplularını yaxın günlərdə dərc edəcək.

DİM-dən Mektebgushesi.az-a bildirilib ki, magistratura səviyyəsi üzrə imtahana hazırlaşanlar üçün nəzərdə tutulan test toplusunda mövzular üzrə tapşırıqlar, dinləmə və oxu mətnləri əsasında hazırlanmış tapşırıq nümunələri və esse tapşırıq nümunələri öz əksini tapıb.

Doktorantura səviyyəsi üzrə imtahanlara hazırlaşanlar üçün nəzərdə tutulan test toplusunda isə dinləmə və oxu mətnləri əsasında hazırlanmış tapşırıq nümunələri, esse və visual məlumatın təsvirinə dair tapşırıq nümunələri və danışıq bacarığını yoxlayan tapşırıqlar təqdim edilib.

Toplularda istifadə olunmuş materiallar dillər üzrə ümum-Avropa tövsiyə çərçivə sənədinin (CEFR) müvafiq səviyyəsinə və tələblərinə uyğun olaraq hazırlanıb.

Magistratura və doktorantura səviyyəsi üzrə imtahanlara hazırlaşanlar bu nəşrlərdən istifadə edərək öz hazırlıq səviyyələrini yoxlaya biləcəklər.

Kitabları www.abiturient.az saytından sifariş etmək və ya kitab mağazalarından almaq mümkün olacaq.