Dekabrın 16-da Azərbaycan Dövlət Pedaqoji Universitetinin Tələbə Həmkarlar İttifaqı Komitəsinin (ADPU THİK) təşkilatçılığı ilə keçirilən Ümumilli Lider Heydər Əliyevin əziz xatirəsinə həsr edilmiş tələbələrarası futbol turnirinə yekun vurulub.
Tələbə-gənclər arasında sağlam həyat tərzinin təbliği, idmana marağın artırılması,  əməkdaşlıq və ədalətli mübarizə prinsiplərinin formalaşıdırılmasını hədəfləyən yarışda 90-dan artıq tələbə iştirak edib. Gərgin idman mübarizəsi şəraitində keçən çempionatın finalında “Los Galacticos” komandasını məğlub edən FTC komandası turnirin qalibi olub. Yarışın qalibi olan komandalar kubok və medallarla mükafatlanıdırılıblar.