11 noyabr tarixindən etibarən “BilBacar” müsabiqəsinin “Hazırlıq” mərhələsinə başlanılıb.

Məktəbəqədər və Ümumi Təhsil üzrə Dövlət Agentliyindən Mektebgushesi.az -a bildirilib ki, bu mərhələdə qeydiyyatdan keçmiş şagirdlər şəxsi hesablarına daxil olaraq “Hazırlıq” bölməsindəki sualları cavablandıra bilərlər. “Hazırlıq” bölməsində hər doğru cavab 1 balla qiymətləndirilir və tapşırıqlar 1 ay müddətində aktiv olacaq.

Bildirilib ki, şagirdlərin bu bölmədə qazandıqları ballar “Yarış” mərhələsində topladıqları ballara əlavə olunur və yanlış cavablara görə bal çıxılmır.

Qeyd edək ki, “BilBacar” müsabiqəsinin keçirilməsində məqsəd VIII, IX və X sinif şagirdlərinin məktəbdə qazandıqları bilik və bacarıqları real həyatda tətbiq etmə qabiliyyətini inkişaf etdirmək və onlara bu bilikləri gündəlik həyatda istifadə etmək vərdişi aşılamaqdır.