Azərbaycan Dövlət Neft və Sənaye Universiteti (ADNSU) dünyanın nüfuzlu reytinq hesabatı olan “Times Higher Education World University Rankings 2025”ə daxil olub.

ADNSU-dan  bildirilib ki, “Times Higher Education World University Rankings 2025”də cəmi iki Azərbaycan universiteti yer alıb. Azərbaycan universitetlərindən reytinqdə yer alan digər ali məktəb Bakı Dövlət Universitetidir.

Qeyd edək ki, “THE World University Rankings 2025”in nəticələri oktyabrın 9-da Birləşmiş Krallıqda keçirilən “Dünya Akademik Sammiti” çərçivəsində açıqlanıb.