Xəzər Universiteti Təbiət elmləri və mühəndislik fakültəsinin Kompüter elmləri bölməsinin əməkdaşı Əmir Rəhmaninin həmmüəllifi olduğu məqalə ISI indeksli (Beynəlxalq elmi indeksləmə), impakt faktorlu “The Computer Modeling in Engineering & Sciences” (Mühəndislik və elmlərdəki kompüter modelləşdirmə) jurnalında dərc olunub.

Universitetdən AZƏRTAC-a bildirilib ki, “Arzuolunmaz nəticələr ilə dəyişdirilmiş interval DEA modellərindən istifadə edərək daha dəqiq bir veb-xidməti seçimi istiqamətində” adlı bu məqalə istifadəçilərə internet mühitinin dinamikasını nəzərə alaraq, uyğun “cloud” xidmətini seçməyə kömək edir.

Məqaləni http://www.techscience.com/CMES/v123n2/38690  link vasitəsilə oxumaq mümkündür.